[email protected]

تنظيم امسية بعنوان "اليرموك اشتقلك يا خيا"

تنظيم امسية بعنوان "اليرموك اشتقلك يا خيا"

تضامنًا مع مخيم اليرموك والذي لا نعتبره واجبًا بقدر ما هو بديهيًا، ونظمنا أمسية "اليرموك اشتقلك يا خيا" تأكيدًا على حق الحياة والعيش الحر والكريم، وتأكيدًا على لُحمة الشعب الفلسطيني الواحد.

 

في الساعة الأولى عرضنا أفلامًا قصيرة تسلط الضوء على مخيم اليرموك، وفي الساعة الثانية تحدثنا إلى أحمد عباسي الناشط الفلسطيني اللاجئ في مخيم اليرموك.

 

واقتبسنا عن صفحته على الفيسبوك: "بتعرف شو يعني الحرب يا خيّا؟

الحرب هي انو اهلك ورفقاتك ما كتير بعاد عنك وما تقدر تروح تشوفن من شدة القصف.

الحرب يا خيا بتخليك تحس بالصاروخ من اول ما يطلع من الطيارة بالسّما حتى ينزل وينفجر ويخلف قتلى وجرحى ودمار .

الحرب يا خيا كانت مبارح اكتر من 15 برميل بساعة وحدة تنزل بمناطق قريبة من بعض.

الحرب يا خيا هي حصار داخل حصار داخل حصار هي دمار بقلب دمار وناس عم تودع ناس.

الحرب يا خيا هو انك تعيش بدون مي وبدون اهم المواد الغذائية الاساسية .

الحرب يا خيا هي انو تتعود تعض ع جرحك وتحاول تقاوم.

الحرب يا خيا هي جوع وقهر وذل.

الحرب يا خيا هي اكتر شي بخليك تحس بالعجز ادام بيتك واهلك وعيالك ورفقاتك.

لقد اعلنوها حربا فدمروا الحجر وسيقتلوا ما تبقى من بشر

قبل الاربع ايام هدلون يلي مرقوا كنا عايشين بحصار بس هلأ عايشين بحرب وما ادراك يا صديقي ما هي الحرب!"

 

 


16/4/2015